जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !!
तुझिया ठायी तुझिया पायी शरणागत ...मी दीन अति !
कृपा करी बा दीनवत्सला उध्दारी मज श्रीमूर्ती !
पंचारती ओवाळी तुजला भक्तिभावयुत सुमहारा !
गोड करुन घे दासाचे हे स्तवन वाकडे परात्परा !! १ !!
जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !!
दीनोध्दारा दयावंत तू सखा सोबती भक्तांचा !
धाव घाल झणी करी वर्षावा सदैव तव सत्कृपेचा !
तुझिया स्तवनी मनी मानसी मी तू पणाला ठाव नसे !
भक्तिभावे सोsहं सोsहं निनाद उठती दाही दिशे !! २ !!
जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !!
त्रिविध त्रिगुणे सत्व रज तमी कृपानिधे तू दातार !
नामस्मरणे भक्त शिरी धर सदा दयेची पाखर !
जगत्पालका भक्तरक्षका पूर्ण परेशा निरंजना !
मायामोही एकमेव तू तारक आम्हां भवहरणा !! ३ !!
जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !!
शिरडी ग्रामी पवित्र धामी निंब द्रुमाच्या छायेत !
पवित्र झाले सकल भूमीतल आत्मरुप आनंदात !
माईव्दारका पुनीत झाली धगधगत्या चिर धूनीने !
उदी विलेपन भाली भक्ताजन करी सदोदीत भक्तीने !! ४ !!
जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !!
फडकत माथा शुभ्रदुपेटा साईनाथा मनोहरा !
तव रुपाची सदैव मूर्ती वसो अंतरी श्रीकारा !
श्रीसाईजी आद्यानंता परमपरेशा गुरुनाथा !
मोरेश्वर चिंतामण ठेवी तुझिया चरणी निजमाथा !! ५ !!
जय जय बोला जय जय बोला साईनाथांचा जय बोला !
ओवाळीतो स्तवन आरती दीनदयाळा कृपाळा !
Comments